उर्लाबारी । मोरङको उर्लाबारी नगरपालिका वडा नम्बर ६ मा कोशी प्रदेश पुनः नामांकन संयुक्त संघर्ष समितिले तालाबन्दी गर्ने क्रममा वडाध्यक्ष चिन्तामणि पौडेलमाथि कुटपिट गरेका छन् ।
तालबन्दी गर्ने क्रममा वडाध्यक्ष पौडेलमाथि कुटपिट गरिएको हो । तालाबन्दी गर्न पुगेका समूहमा रहेका पथरीशनिश्चरे नगरपालिका–२ का मनोज लिम्बूलगायतले वडाध्यक्ष पौडेलमाथी कुटपिट गरेको प्रत्यक्षदर्शीले बताएका छन् । वडा कार्यालयमा विद्युत मर्मतको काम चलिरहेको बेला वडाध्यक्ष पौडेलमाथि एक्कासी को वडाध्यक्ष भन्दै लिम्बू झम्टिँदै कुटपिटमा उत्रिएको बताइएको छ । कुटपिटबाट वडाध्यक्ष पौडेल सामान्य घाइते भएका छन् । उनले आफूमाथि कार्यालयमा कुटपिट भएको बताएका छन् । वडाध्यक्ष पौडेलले आफूलाई कुटपिट गर्नेविरुद्ध कानुनी कारबाहीको माग गरेका छन् । यसैबीच उर्लाबारी वडा नं. ७ की वडाध्यक्ष उर्मिला थापामाथि पनि हातपातको प्रयास भएको छ ।