उर्लाबारी । आगामी भदौँ ९ गते हुने उर्लाबारी उद्योग वाणिज्य संघको निर्वाचनमा लोकतान्त्रिक समावेसी व्यावसायीक साझा गठबन्धनले उम्मेदवारी घोषणा गरेको छ ।
४ राजनैतिक दल सम्मिलित गठबन्धनको तर्फबाट शुक्रबार उर्लाबारी–७ स्थित उर्लाबारी पार्टी प्यालेसको सभाहलमा एक कार्यक्रमका बीच गठबन्धनका प्रचारप्रसार मुल समितिका संयोजक सुरेन्द्र लिम्बूले उम्मेदवार घोषणा गर्नु भएको हो । संघको नयाँ नेतृत्वका लागि नेपाली कांग्रेस सर्मथक व्यवसायीका तर्फबाट अध्यक्षमा तारामान सिरेङ, बरिष्ठ उपाध्यक्षमा निर्मला चौहान, उद्योग उपाध्यक्षमा प्रभु राई, वाणिज्य उपाध्यक्षमा रामप्रसाद धिमाल (बाङ्गाई), महासचिवमा माओवादी सर्मथक व्यावासायीका तर्फबाट पवन चौधरी, उद्योग सचिवमा कांग्रेसतर्फबाट भेषबन्धु निरौला, वाणिज्य सचिवमा राजकुमार श्रेष्ठ, कोषाध्यक्षमा दशरथ यादव (बेचन) रहनुभएको छ । त्यस्तै, सदस्यहरुमा फुर्वा तामाङ, मदन धिमाल, दिपक कार्की, केशव भट्टराई र सोम बहादुर गजमेर रहनु भएको छ । लेखा समिती संयोजकमा राप्रपाका तर्फबाट मनोज लुइटेल, सदस्यहरुमा मोहन पाठक र माओवादीका तर्फबाट वासु घिमिरे गरी १६ सदस्यीय टिमको घोषणा गरिएको छ । कार्यक्रम नेकपा माओवादी केन्द्रका सदस्य विशेन्द्र चेम्जोङको प्रमुख आथिथ्यतामा भएको थियो । कार्यक्रममा नेपाली कांग्रेस कोसी प्रदेशका सहमहामन्त्री खड्ग फागो, माओवादी केन्द्र, राप्रपाका, जनता समाजवादी पार्टीका नेता कार्यकर्ता र व्यवसायीहरुको बाक्लो उपस्थिति रहेको थियो ।