काठमाडौँ । नेपालमा पछिल्लो २४ घण्टामा थप ४ हजार ९२८ जनामा कोरोनाभाइरस संक्रमण पुष्टि भएको छ ।
पीसीआर र एन्टिजेन परीक्षणबाट गत २४ घण्टामा थप ४ हजार ९२८ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै कुल संक्रमितको संख्या ३ लाख १७ हजार ५३० जना पुगेको मन्त्रालयले जनाएको छ ।
पछिल्लो २४ घण्टामा थप ८८८ जना कोरोनामुक्त भएका छन् । योसहित निको हुनेको संख्या २ लाख ८० हजार १ सय ६७ जना पुगेको छ ।देशभर सक्रिय संक्रमितको संख्या ३४ हजार १ सय १७ जना रहेको छ ।
२४ घण्टामा थप ३५ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या ३ हजार २ सय ४६ जना पुगेको मन्त्रालयले जनाएको छ ।
प्रतिक्रिया
सम्बन्धित खवर
