काठमाडौं । आईसीसी विश्वकप लिग–२ मा नेपाल संयुक्त अरब इमिरेट्स (युएई)सँग ५ विकेटले पराजित भएको छ ।
बिहीबार नेपालले दिएको २ सय ३४ रनको लक्ष्य युएईले ४३ दशमलव ३ ओभरमा ५ विकेट गुमाउँदै पूरा गर्यो ।
युएईका लागि ओपनर आर्यन्श शर्माले सर्वाधिक ९८ रन बनाए । अलिशान सराफुले ४५ तथा मुहम्मद वासीमले २६ रन बनाए ।
नेपालका लागि सन्दीप लामिछानेले १० ओभरमा ३४ रन दिएर २ विकेट लिए । करण केसी र दीपेन्द्रसिंह ऐरीले १/१ विकेट लिए ।
त्यसअघि टस जितेर पहिले ब्याटिङ गरेको नेपालले कप्तान रोहित पौडेलको शतकमा ५० ओभरमा अलआउट हुँदै २३३ रन बनाएको थियो ।
यूएईमा जारी त्रिदेशीय शृंखलामा यो नेपालको लगातार दोस्रो हार हो । यसअघि नेपाल पहिलो खेलमा अमेरिकासँग १०६ रनले पराजित भएको थियो ।
प्रतिक्रिया
सम्बन्धित खवर
