आगामी प्रतिनिधिसभा निर्वाचनका लागि राष्ट्रिय स्वतन्त्र पार्टी (रा.स्व.पा) बाट इलाम क्षेत्र नं. २ मा गोकुलबहादुर राई उम्मेदवार बन्नु भएको छ ।

रा.स्व.पा इलाम क्षेत्र नं. २ ले राईलाई उम्मेदवारका रूपमा अघि सारेसँगै उक्त क्षेत्रमा चुनावी सरगर्मी बढेको छ । पार्टीले सुशासन, पारदर्शिता र जनमुखी राजनीतिलाई मूल एजेण्डा बनाउँदै नयाँ राजनीतिक संस्कृतिको स्थापना गर्ने लक्ष्यसहित राईलाई उम्मेदवार बनाएको जनाएको छ ।

उम्मेदवार राईले इलाम क्षेत्र नं. २ का जनताको समस्या संसदमा प्रभावकारी रूपमा उठाउने र शिक्षा, स्वास्थ्य, कृषि तथा रोजगारीका विषयलाई प्राथमिकतामा राखेर काम गर्ने प्रतिबद्धता व्यक्त गर्नुभएको छ ।

रा.स्व.पाले इलाम क्षेत्र नं. २ मा संगठन विस्तारसँगै जनसम्पर्क अभियानलाई तीव्र बनाउने तयारी गरेको छ । आगामी निर्वाचनमा मतदाताको विश्वास जित्ने लक्ष्यका साथ पार्टी र उम्मेदवार चुनावी मैदानमा सक्रिय देखिएका छन् ।