मोरङ लेटाङ नगरपालिका वडा न.९ बार्हगोठे युवा क्लव (BYC)को आयोजनामा जारी “लेटाङ इन्टर कप फुटबल प्रतियोगिता २०८०” को दोस्रो दिनको खेलमा मिक्लाजुङ ५ (MDFC) र सनराइज युनाइटेड बिजयी भएको छ।
आज(सोमबार)पनि दुबै खेल बराबरी भए पछि ट्राइबेकरमा MDFC मिक्लाजुङ ५ ले किरात चोक एफसी लाई पराजित गर्यो भने सनराइज युनाइटेड लेटाङले जाँते ९ एफसी लाई पराजित गरेको हो।
“लेटाङ हाम्रो पहिचान,स्थानीय खेलाडी उत्पादन हाम्रो अभियान” भन्ने मुल उद्देश्यका साथ संचालित प्रतियोगितामा लेटाङ नगरपालिका भरीका क्लब र खेलाडि सहभगी सङ्गै आमन्त्रित पाहुना टोलि मिक्लाजुङ ५ को सहभागिता रहेको छ।
भदौ २३ गते सम्म संचालन हुने प्रतियोगिताको बिजेताले नगद २५ हजार र उपबिजेताले १५ हजार सहित ट्रफी,मेडल,प्रमाणपत्र प्राप्त गर्ने प्रतियोगिता संयोजक डम्बर लिम्बुले बताउनु भयो।
साथै उत्कृष्ट गोल किपर,हाइ स्कोरर र सेमिफाइनल देखि म्यान अफ दि म्याच पनि दिइने लिम्बूले बताएका छन।
भोलि हुने दोस्रो दिनको सलल एफसी भर्सेस खेरुवा एफसी र सगरमाथा एफसी भर्सेस वसन्त एफसी बिच प्रतिस्पर्धा रहने खेल सल्लाहकार संयोजक भुपेश लिम्बुले बताएका छ्न।
