मिक्लाजुङ, मिक्लाजुङ गाउँपालिका मोरङको वडा नम्बर २ मा रहेका कृषि समूहलाई विभिन्न फलफूलका बिरुवा वितरण गरिएको छ । बुधबार वडाभरी छरिएर रहनुभएका स्थानीय कृषकहरूलाई आँप, लिची, अम्बक, कागती, र कटहरका बिरुवाहरू वितरण गरिएको हो ।
वडाध्यक्ष बलबहादुर श्रेष्ठका अनुसार चुरे उत्थानसिल आयोजना, इटहरीले उपलब्ध गराएका यी बिरुवा वडामा वितरण गरिएको हो। यस आयोजनाले कृषि उत्पादन र वातावरण संरक्षणमा सहयोग पुर्याउने उद्देश्यले बिरुवा उपलब्ध गराएको हो।
वडाध्यक्ष श्रेष्ठले कृषि समूहलाई सम्बोधन गर्दै भने, “यी बिरुवाहरूले हाम्रो कृषक समुदायलाई कृषि उत्पादनमा आत्मनिर्भर बनाउन सहयोग पुर्याउनेछन्। साथै, यसले हाम्रो वातावरणको संरक्षण र सुधारमा महत्वपूर्ण भूमिका खेल्नेछ।”
उक्त कार्यक्रममा स्थानीय कृषकहरूले अत्यधिक उत्साह देखाएका थिए। बिरुवाहरू प्राप्त गरेपछि उनीहरूले कृषि उत्पादनमा लाग्ने नयाँ जोश र उमंग व्यक्त गरे।
यस बिरुवा वितरण कार्यक्रमले आगामी दिनमा मिक्लाजुङ गाउँपालिकामा कृषि र पर्यावरणको सन्तुलन कायम राख्न सहयोग पुर्याउने अपेक्षा गरिएको छ।
