झापा – अर्गानिक कृषि बजार, दमक–८ मा सम्पन्न स्थानीय तथा रैथाने कृषि मेला प्रदर्शनी–२०८१ मा राजिब खड्काद्वारा सञ्चालित हाम्रो हाम्रो उन्नत प्राङ्गारिक मल उद्योग”*
फार्म ले प्रथम पुरस्कार जित्न सफल भएको छ। दुई दिनसम्म चलेको मेलामा जैविक तथा प्राकृतिक कृषि उत्पादनलाई प्रवर्द्धन गर्ने उद्देश्यले विभिन्न प्रतिस्पर्धात्मक प्रदर्शनीहरू आयोजना गरिएका थिए।
हाम्रो उन्नत प्राङ्गारिक मल उद्योग” ले दानेदार प्राङ्गारिक मल को प्रयोगबाट उत्कृष्ट कृषि उत्पादन गरी प्रतिस्पर्धामा अग्रस्थान हासिल गरेको हो। फार्मले उत्पादन गरेको जैविक मलले माटोको उर्वराशक्ति बढाउने, स्वस्थ अन्नबाली उब्जाउने र रासायनिक मलको विकल्प प्रदान गर्ने महत्वपूर्ण योगदान गरेको छ।
सञ्चालक राजिब खड्का ले पुरस्कार ग्रहण गर्दै भने, “हाम्रो उद्देश्य कृषि उत्पादनलाई पूर्ण रूपमा जैविक प्रणालीमा रूपान्तरण गर्नु हो। रासायनिक मलको प्रयोगले माटोको स्वाभाविक उर्वराशक्ति नष्ट गर्छ, त्यसैले हामीले प्राङ्गारिक मललाई प्राथमिकता दिएका हौँ। यस पुरस्कारले हामीलाई थप हौसला प्रदान गरेको छ।” फार्मले रासायनिक मल बहिष्कार गरौं, माटो बचाऔं, माटोले हामीलाई बचाउँछ भन्ने नाराका साथ जैविक कृषि प्रवर्द्धन गरिरहेको छ। मेलामा सहभागी किसानहरू, कृषि विज्ञहरू र उपभोक्ताहरूले फार्मको प्रयासको उच्च मूल्यांकन गरेका छन्।
स्थानीय जैविक कृषिको प्रवर्द्धनमा योगदान मेलामा जैविक मल र प्राकृतिक कृषिका विभिन्न प्रविधिहरू प्रदर्शित गरिएका थिए। यस अवसरमा स्थानीय कृषकहरूलाई दानेदार प्राङ्गारिक मल को प्रयोगबारे जानकारी दिँदै यसको फाइदाबारे छलफल गरिएको थियो। राजिब खड्काद्वारा सञ्चालित हाम्रो उन्नत प्राङ्गारिक मल उद्योग” को यो उपलब्धिले जैविक कृषि क्षेत्रलाई प्रवर्द्धन गर्दै स्थानीय तथा व्यावसायिक कृषकहरूलाई रासायनिक मलको प्रयोग घटाउँदै स्वस्थ उत्पादनमा जोड दिन प्रेरित गर्ने विश्वास गरिएको छ।